പാലാ നഗരത്തിൽ കെ.എം.മാണി ഇനി നിത്യസാന്നിധ്യം
പാലാ നഗരത്തിൽ കെ.എം.മാണി ഇനി നിത്യസാന്നിധ്യം
WEB Desk 
പാലാ: കെ.എം.മാണി സ്വന്തം പ്രത്യയശാസ്ത്രം രൂപവത്കരിച്ച രാഷ്ട്രീയ നേതാവായിരുന്നുവെന്ന് സ്പീക്കർ പി.ശ്രീരാമകൃഷ്ണൻ പറഞ്ഞു. കെ.എം.മാണി ഫൗണ്ടേഷന്റെയും യൂത്ത് ഫ്രണ്ടിന്റെയും നേതൃത്വത്തിൽ, പാലായിൽ സ്ഥാപിച്ച കെ.എം.മാണിയുടെ പ്രതിമ അനാഛാദനം ചെയ്യുകയായിരുന്നു അദ്ദേഹം. മാണി ഒരു പാഠശാലയായിരുന്നു അദ്ദേഹത്തിന് ഒരു ദർശനമുണ്ടായിരുന്നു. അതായിരുന്നു കെ.എം.മാണിയെ സവിശേഷ വ്യക്തിയാക്കിയത്. വിനയമായിരുന്നു അദ്ദേഹത്തിന്റെ പ്രാഥമിക മൂല്യം. രാഷ്ട്രീയ ജീവിതത്തിൽ കെ.എം.മാണി സഹിഷ്ണുത പാലിച്ചു. അധികാരം ജനങ്ങൾക്കുവേണ്ടിയും ജനങ്ങളോടൊപ്പവും നിന്ന് പ്രയോഗിച്ചുവെന്നും അദ്ദേഹം പറഞ്ഞു.
പുലഭ്യം പറയുന്നവരോട് അതേ മാതൃകയിൽ മറുപടി പറയുന്നതല്ല കെ.എം.മാണി പകർന്ന രാഷ്ട്രീയ മൂല്യമെന്ന് ചടങ്ങിൽ പ്രസംഗിച്ച ജോസ് കെ.മാണി പറഞ്ഞു. കെ.എം.മാണിയുടെ രാഷട്രീയത്തിൽ എന്നും ഉയർത്തിപ്പിടിച്ച മൂല്യങ്ങളുണ്ടായിരുന്നുവെന്നും ജോസ് കെ.മാണി പറഞ്ഞു. ചടങ്ങിൽ മാർ ജേക്കബ്ബ് മുരിക്കൻ അധ്യക്ഷത വഹിച്ചു. മള്ളിയൂർ പരമേശ്വരൻ നമ്പൂതിരി അനുഗ്രഹ പ്രഭാഷണം നടത്തി. എം.എൽ.എ.മാരായ റോഷി അഗസ്റ്റ്യൻ, എൻ.ജയരാജ്, നഗരസഭാധ്യക്ഷൻ ആന്റോ ജോസ്, വി.എൻ.വാസവൻ, വി.ജെ.പാപ്പു, ജോസ് ടോം, സി.പി.ചന്ദ്രൻ നായർ, പി.ജി.അനിൽകുമാർ, സാജൻ തൊടുക തുടങ്ങിയവർ പ്രസംഗിച്ചു.
