സെക്രട്ടേറിയറ്റ് മാർച്ചിൽ സംഘർഷം: യൂത്ത് കോൺഗ്രസ് പ്രവർത്തകർ പ്രതിഷേധ പ്രകടനവും യോഗവും നടത്തി
സെക്രട്ടേറിയറ്റ് മാർച്ചിൽ സംഘർഷം: യൂത്ത് കോൺഗ്രസ് പ്രവർത്തകർ പ്രതിഷേധ പ്രകടനവും യോഗവും നടത്തി
തിരുവല്ല : സെക്രട്ടേറിയറ്റ് മാർച്ച് നടത്തിയ കെ.എസ്.യു പ്രവർത്തകർക്ക് നേരെയുണ്ടായ പോലീസിന്റെ അക്രമണത്തിനെതിരെ തിരുവല്ലയിൽ യൂത്ത് കോൺഗ്രസ് ഈസ്റ്റ് മണ്ഡലം കമ്മിറ്റി പ്രതിഷേധ പ്രകടനവും യോഗവും നടത്തി.യൂത്ത് കോൺഗ്രസ് ഈസ്റ്റ് മണ്ഡലം പ്രസിഡന്റ് ജേക്കബ് കറ്റോട് യോഗത്തിനു അദ്ധ്യക്ഷത വഹിച്ചു. ഡി സി സി ജനറൽ സെക്രട്ടറി അഡ്വ.സതീഷ് ചാത്തങ്കേരി യോഗം ഉദ്ഘാടനം ചെയ്തു. യൂത്ത് കോൺഗ്രസ് ജില്ലാ വൈസ് പ്രസിഡന്റ് വിശാഖ് വെൺപാല, ജില്ലാ ജനറൽ സെക്രട്ടറി ജിജോ ചെറിയാൻ, ടൗൺ കോൺഗ്രസ് മണ്ഡലം പ്രസിഡന്റ് അജി തമ്പാൻ,നിയോജകമണ്ഡലം ആക്ടിംഗ് പ്രസിഡന്റ് അഖിൽ ഓമന കുട്ടൻ, സേവാദൾ ജില്ലാ ജനറൽ സെക്രട്ടറി ജയദേവൻ, കെഎസ്യു നിയോജമണ്ഡലം ജനറൽ സെക്രട്ടറി സുബിൻ,ഐഎൻടിയുസി നേതാവ് ഹരി പി നായർ തുടങ്ങിയവർ പ്രസംഗിച്ചു.