തപാൽ വോട്ടുകളും സ്‌ട്രോങ് റൂമിൽ
തപാൽ വോട്ടുകളും സ്‌ട്രോങ് റൂമിൽ
WEB Desk 
പത്തനംതിട്ട : നിയമസഭാ തിരഞ്ഞെടുപ്പിനോട് അനുബന്ധിച്ച് ആബ്‌സന്റീ വോട്ടേഴ്‌സിന്റെ പോസ്റ്റൽ ബാലറ്റുകൾ പ്രത്യേകം സജ്ജീകരിച്ച സ്‌ട്രോങ് റൂമിൽ സുരക്ഷിതമായി സൂക്ഷിക്കും. പോസ്റ്റൽ ബാലറ്റുകൾ പ്രത്യേകമായി നിയോഗിച്ച ഉപവരണാധികാരികൾ അതത് ദിവസം തന്നെ ബന്ധപ്പെട്ട വരണാധികാരികളെ ഏൽപ്പിക്കും. വരണാധികാരികൾ നിലവിലെ വിതരണ, സ്വീകരണ കേന്ദ്രത്തിനടുത്തായി പ്രത്യേകം തയാറാക്കിയ സ്‌ട്രോങ് റൂമിലേക്ക് അതത് ദിവസം തന്നെ ബാലറ്റുകൾ സുരക്ഷിതമായി മാറ്റും. വെബ് ക്യാമറ നിരീക്ഷണവും പോലീസ് സുരക്ഷയുമുണ്ട്. പോലീസ് നിരീക്ഷണത്തിലാകും വരണാധികാരികൾ സ്‌ട്രോങ് റൂമിലെ ലോക്ക് ചെയ്ത പെട്ടിയിലേക്ക് പോസ്റ്റൽ ബാലറ്റുകൾ നിക്ഷേപിക്കുക. 221 ടീമുകളാണ് അബ്സന്റീ വോട്ടേഴ്‌സിന്റെ വോട്ട് ശേഖരിക്കുന്നതിനായി ജില്ലയിൽ പ്രവർത്തിക്കുന്നത്. പോസ്റ്റൽ ബാലറ്റ് വോട്ട് ശേഖരിക്കാൻ ഏർപ്പെടുത്തിയ പോളിങ് ഉദ്യോഗസ്ഥരെ നിരീക്ഷിക്കാൻ മൈക്രോ ഒബ്സർവർമാരെ നിയോഗിച്ചിട്ടുണ്ട്. വോട്ടിങ് പ്രക്രിയ കുറ്റമറ്റതായി നടത്താൻ പോലീസ് നിരീക്ഷണവും വീഡിയോ റെക്കോർഡിങ് സംവിധാനവും ഏർപ്പെടുത്തി.
