കെ. ശിവദാസന്‍ നായരുടെ സസ്പെന്ഷന് കെപിസിസി റദ്ദാക്കി
admin 
കെ. ശിവദാസന്‍ നായരുടെ സസ്പെന്ഷന് കെപിസിസി റദ്ദാക്കി
തിരുവനന്തപുരം: കോണ്‍ഗ്രസ് നേതാവ് കെ. ശിവദാസന്‍ നായരുടെ സസ്പെന്ഷന് റദ്ദാക്കി. അച്ചടക്കലംഘനത്തിന് കെ.പി.സി.സി നല്‍കിയ നോട്ടീസിന് മുന്‍ ജനറല്‍ സെക്രട്ടറിയും മുന്‍ എം.എല്‍.എയുമായ ശിവദാസന്‍ നായര്‍ തൃപ്തികരമായ മറുപടി നല്‍കുകയും ഖേദം പ്രകടിപ്പിക്കുകയും ചെയ്തസാഹചര്യത്തിലാണ് സസ്പെന്ഷന് റദ്ദാക്കി പാര്‍ട്ടിയില്‍ തിരിച്ചെടുക്കാന്‍ തീരുമാനിച്ചതെന്ന് കെ.പി.സി.സി പ്രസിഡന്റ് കെ. സുധാകരന്‍ എം.പി അറിയിച്ചു.
ഡി.സി.സി പ്രസിഡന്റുമാരുടെ നിയമനവുമായി ബന്ധപ്പെട്ട് ചാനലുകളിലൂടെ പരസ്യ വിമര്‍ശനമുന്നയിച്ചതിനാണ് ശിവദാസന്‍ നായരെയും കെ.പി. അനില്‍കുമാറിനെയും സസ്പെന്‍ഡ് ചെയ്തത്. വിശദീകരണം തേടാതെയുള്ള നടപടിയെന്ന ആക്ഷേപം ഉയര്‍ന്നതിനെ തുടര്‍ന്ന് അടുത്ത ദിവസം ഇരുവര്‍ക്കും നോട്ടീസ് നല്‍കി. ശിവദാസന്‍ നായര്‍ ഖേദമറിയിച്ചപ്പോള്‍ അനില്‍കുമാര്‍ അതിന് തയ്യാറായില്ല. പിന്നാലെ അനില്‍കുമാര്‍ പാര്‍ട്ടി വിട്ട് സി.പി.എമ്മിനൊപ്പം ചേര്‍ന്നു. അദ്ദേഹത്തെ പിന്നീട് കോണ്‍ഗ്രസ് പുറത്താക്കി.
