പാംഗോങ് അതിർത്തിയിൽ സേനാപിൻമാറ്റം; ദൃശ്യം പുറത്തുവിട്ട് ഇന്ത്യന്‍ സൈന്യം
പാംഗോങ് അതിർത്തിയിൽ സേനാപിൻമാറ്റം; ദൃശ്യം പുറത്തുവിട്ട് ഇന്ത്യന്‍ സൈന്യം
WEB Desk 
ഇന്ത്യ ചൈന സേനാപിന്‍മാറ്റത്തിന്‍റെ ദൃശ്യങ്ങള്‍ പുറത്തുവിട്ട് ഇന്ത്യന്‍ സൈന്യം. പാംഗോങ് തടാകത്തിന്‍റെ തെക്ക്, വടക്ക് തീരങ്ങളില്‍ നിന്നാണ് പിന്‍മാറ്റം. പാംഗോങ്ങില്‍ സേന പിന്മാറ്റത്തിന് ധാരണയായതായി പ്രതിരോധമന്ത്രി രാജ്യസഭയില്‍ അറിയിച്ചിരുന്നു.
ധാരണകള്‍ക്ക് വിപരീതമായി ചൈന ഏകപക്ഷീയമായി സൈനികബലം കൂട്ടുകയും അതിര്‍ത്തി ലംഘത്തിന് ശ്രമിച്ചതുമാണ് സമാധാനം തകര്‍ത്തത്. അതിര്‍ത്തിയിലെ സാഹചര്യം ഉഭയകക്ഷി ബന്ധത്തെ ബാധിച്ചു. ഇന്ത്യ ശക്തമായി തിരിച്ചടിച്ച് താല്‍പര്യങ്ങളും പരമാധികാരവും സംരക്ഷിച്ചുവെന്നും രാജ്നാഥ് സിങ് പറഞ്ഞു. പ്രതിരോധ മന്ത്രിയുടെ പ്രസ്താവനയില്‍ വ്യക്ത തേടാന്‍ അനുമതി നിഷേധിച്ചതോടെ പ്രതിപക്ഷം സഭയില്‍ പ്രതിഷേധിച്ചു.
