റാന്നിയിൽ ജില്ലക്കു പുറത്തു നിന്നുള്ള സ്ഥാനാർത്ഥിയോ?
റാന്നിയിൽ ജില്ലക്കു പുറത്തു നിന്നുള്ള സ്ഥാനാർത്ഥിയോ?
admin 
റാന്നിയിൽ യുഡിഎഫ് സ്ഥാനാർത്ഥിയായി ജില്ലക്ക് പുറത്തു നിന്നുള്ളവരെ പരിഗണിച്ചാൽ വിജയം ഉറപ്പിക്കാം.
കോൺഗ്രസിനുള്ളിലെ പടലപ്പിണക്കങ്ങളും ഗ്രൂപ്പുകളിയും ജില്ലയിൽ നിന്നുള്ള സ്ഥാനാർത്ഥികൾക്ക് തിരിച്ചടിയാകും.
കഴിഞ്ഞ തിരഞ്ഞെടുപ്പിൽ മുതിർന്ന കമ്യൂണിസ്റ്റ് നേതാവ് സ: വിഎസ് അച്ചുതാനന്ദനെതിരെ മത്സരിച്ചു പരാജയപ്പെട്ട കോൺഗ്രസിന്റെ യുവ നേതാവ് ശ്രി വി എസ് ജോയിയെ പരിഗണിച്ചാൽ സംശയലേശമന്യേ യു ഡി എഫിന് വിജയസാധ്യതയുണ്ടെന്ന് വ്യക്തമായും ശക്തമായും ഉറപ്പിച്ചു പറയാം.
റാന്നിയിൽ കഴിഞ്ഞ തിരഞ്ഞെടുപ്പുകളിലൊക്കെ തുടർച്ചയായി വിജയിച്ചു വരുന്ന സി പി എമ്മിലെ രാജു ഏബ്രഹാമിന് രഹസ്യമായും പരസ്യമായും പിന്തുണക്കുന്ന കോൺഗ്രസിലെ ഒരു വിഭാഗം നേതാക്കളുടെ കൃതികാലു വെട്ടലിനും കാലു വാരലിനും തടയിടുവാൻ ജില്ലക്ക് പുറത്തു നിന്നുള്ളവർ മത്സരിച്ചാൽ സാധിക്കും.
കഴിഞ്ഞ ത്രിതല പഞ്ചായത്ത് തിരഞ്ഞെടുപ്പിൽ സ്വന്തം വാർഡിൽ പോലും കോൺഗ്രസ് - യുഡിഎഫ് സ്ഥാനാർത്ഥികളെ വിജയിപ്പിക്കുവാൻ സാധിക്കാത്ത, മനപ്പൂർവം തോൽപ്പിച്ച കോൺഗ്രസ് നേതാക്കൾ മണ്ഡലത്തിൽ നിന്നോ മണ്ഡലത്തിന് പുറത്ത് ജില്ലയിൽ നിന്നോ മത്സര രംഗത്തേക്ക് എത്തുന്ന സ്ഥാനാർത്ഥിയെ പരാജയപ്പെടുത്തുമെന്നുള്ളത് നിസംശയം പറയാം.
വിജയ സാധ്യത മാത്രം സ്ഥാനാർത്ഥി നിർണ്ണയത്തിന്റെ മാനദണ്ഡം എന്ന എഐസിസിയുടെയും കെപിസിസിയുടെയും തീരുമാനം നിർബന്ധമായും കർശനമായും റാന്നിയിൽ നടപ്പാക്കിയാൽ വിജയം നേടുവാൻ യു ഡി എഫിന് സാധിക്കും.
