കോന്നിയിലെ വോട്ടെണ്ണൽ മലയാലപ്പുഴ എൻജിനീയറിങ് കോളേജിൽ
കോന്നിയിലെ വോട്ടെണ്ണൽ മലയാലപ്പുഴ എൻജിനീയറിങ് കോളേജിൽ
admin 
കോന്നി : ദീർഘകാലത്തിനുശേഷം കോന്നി നിയമസഭാ മണ്ഡലത്തിലെ വോട്ടെണ്ണൽ കേന്ദ്രം മണ്ഡലത്തിന് പുറത്തായി. ഇത്തവണ പത്തനംതിട്ട നഗരസഭാ പരിധിയിലുള്ള മലയാലപ്പുഴ മുസ്‌ലിയാർ എൻജിനീയറിങ് കോളേജിലാണ് വോട്ടെണ്ണൽ .
വോട്ടെണ്ണൽ ക്രമീകരണങ്ങൾക്കു കോവിഡ് മാനദണ്ഡം പാലിച്ചു കൂടുതൽ സ്ഥലം വേണ്ടത് കൊണ്ടാണ് മുസ്‌ലിയാർ എൻജിനീയറിങ് കോളേജ് ഇതിനായി തിരഞ്ഞെടുത്തത്. 1980-ലെ തിരഞ്ഞെടുപ്പുവരെ കോന്നി മണ്ഡലത്തിലെ വോട്ടുകൾ പത്തനംതിട്ട കാതോലിക്കേറ്റ് കോളേജിലാണ് എണ്ണിയിരുന്നത് .
1987-ൽ ഇത് കോന്നി സെൻറ് ജോർജ് പാരിഷ്ഹാളിൽ ആയിരുന്നു. 1991 ൽ മണ്ഡലത്തിന് പുറത്തുള്ള മൈലപ്ര പാരിഷ് ഹാളിൽ ആണ് വോട്ട് എണ്ണിയത് . 1996 ലും 2001 ലും വകയാർ സെന്റ്‌ തോമസ് യു പി.സ്കൂളിൽ ആയിരുന്നു വോട്ടെണ്ണൽ. 2006,2011 ,2016 വർഷങ്ങളിൽ എലിയറക്കൽ അമൃത വൊക്കേഷണൽ ഹയർ സെക്കൻഡറി സ്കൂളിൽ ആയിരുന്നു വോട്ട് എണ്ണിയിരുന്നത്. ഇത്തവണ തിരഞ്ഞെടുപ്പ് സാമഗ്രികൾ വിതരണം ചെയ്യാൻ മാത്രമേ അമൃത വൊക്കേഷണൽ ഹയർസെക്കൻഡറി സ്കൂൾ ക്രമീകരിച്ചിട്ടുള്ളു.
