ആവേശത്തിരയിളക്കി രാഹുൽ ഗാന്ധി റാന്നിയിൽ

Mar 28, 2021 - 14:33 Updated: Mar 28, 2021 - 14:35

റാന്നിയിലെത്തിയ രാഹുൽഗാന്ധി യു.ഡി.എഫ് സ്ഥാനാർഥി റിങ്കു ചെറിയനോടൊപ്പം ജനങ്ങളെ അഭിവാദ്യം ചെയ്യുന്നു

റാന്നി : റാന്നി കണ്ടതിൽ വെച്ച് ഏറ്റവും വലിയ ജനസാഗരത്താൽ നിറഞ്ഞു രാഹുൽ ഗാന്ധിയുടെ റോഡ് ഷോ. യു ഡി എഫ്‌ സ്ഥാനാർഥി ശ്രീ റിങ്കു ചെറിയാന്റെ സ്ഥാനാർഥി പ്രചാരനാർത്ഥം പര്യടനത്തിനായി രാഹുൽ ഗാന്ധി ഇന്നലെ 12:30-നോടെ റാന്നിയിൽ എത്തി ചേർന്നു. റാന്നി ബസ്സ്റ്റാൻഡിൽ നിന്ന് സ്വീകരണങ്ങൾ ഏറ്റു വാങ്ങി രാഹുൽ ഗാന്ധി ആയിരകണക്കിന് വാഹനങ്ങളുടെയും പതിനായിര കണക്കിന് പ്രവർത്തകരുടെയും അകമ്പടിയോടു കൂടിയാണ് സ്വീകരിച്ചത്. ഇട്ടിയപാറ ബസ്സ്റ്റാൻഡിൽ നിന്ന് പ്രസംഗിക്കുകയും ചെയ്തു. യു ഡി എഫ്‌ അധികാരത്തിൽ വന്നാൽ ന്യായ് പദ്ധതി നടപ്പിലാക്കുമെന്ന് രാഹുൽ ഗാന്ധി വാഗ്ദാനം നൽകി.55% ചെറുപ്പക്കാരാണ് യു ഡി എഫ്‌ സ്ഥാനാർഥി പട്ടികയിലുള്ളത്. അതിൽ ഒരാളാണ് റാന്നിയിലെ ശ്രീ റിങ്കു ചെറിയാൻ എന്നും അദ്ദേഹം കൂട്ടി ചേർത്തു. പ്ലാച്ചേരിയിൽ രാഹുൽ ഗാന്ധിയുടെ പര്യടനം അവസാനിക്കുകയും ചെയ്തു.