തിരുവല്ലയിലെ കുലംകുത്തികൾ : വയറലായി യൂവാവിന്റെ കുറിപ്പ്

തിരുവല്ല : വയറലായി  യൂവാവിന്റെ കുറിപ്പ് രാഷ്ട്രീയ ചർച്ചകൾ ചൂട്പിടിച്ചു അണിയറയിൽ നടക്കുകയാണ് അതേപോലെതന്നെ വോട്ടർമാരിലും .
പത്തനംതിട്ടയിലെ തിരുവല്ല അത്തരം രാഷ്ട്രീയ നാടകങ്ങൾ സംഭവിക്കുന്ന ഒരു മണ്ഡലം കൂടെയാണ് . ഇപ്പോൾ തിരുവല്ല മണ്ഡലത്തിൽ ഒരു യുവാവിന്റെ കുറുപ്പ് വളരെ ചർച്ചക്ക് കളം ഒരുങ്ങിയിരിക്കുകയാണ് . 

കുറുപ്പ് വായിക്കം : 

തിരുവല്ലയിലെ കുലംകുത്തികൾ.

ഒരു ഇരുമ്പുലക്ക കൊണ്ടു മുടിഞ്ഞതാണ് യാദവ കുലം.  സാക്ഷാൽ ഭഗവാൻ കൃഷ്ണൻ്റെ കുലമായാലും തമ്മിൽ തല്ലിയാൽ കുലവും നാടും മുച്ചൂടും മുടിയും എന്ന് ഇതിഹാസങ്ങൾ പഠിപ്പിച്ചിട്ടുണ്ട്.

കേരളാ കോൺഗ്രസിന് യു.ഡി.ഫ് മുടിയ്ക്കാൻ കാരണമാകുകയാണ് തിരുവല്ല എന്ന ഇരുമ്പുലക്ക.  കുലവും മുടിച്ച്, നാടിനെയും തകർത്ത്, ഇടതന്മാർക്ക് വാക്കോവർ കൊടുക്കാതിരിക്കാൻ ഈ തമ്മിൽ തല്ലുകാരുടെ കയ്യിൽ ഇരുമ്പുലക്ക കൊടുക്കാതിരിക്കുകയാണ് വേണ്ടത്.

1979 ൽ നടന്ന ഉപതെരഞ്ഞെടുപ്പിൽ ജനതാ പാർട്ടി ജയിച്ചതാണ് തിരുവല്ലയിലെ ആദ്യ ഇടതു ജയം.  ജയിച്ച ശ്രീ. P. C തോമസ് തന്നെ ജനാധിപത്യചേരിയിലേക്ക് മാറി അടുത്തവട്ടം തിരുവല്ല തിരിച്ചുപിടിച്ചു.

1991 മുതൽ ശ്രീ. മാമ്മൻ മത്തായിയും അദ്ദേഹത്തിൻ്റെ നിര്യാണ ശേഷം ശ്രീമതി എലിസബത്ത് മാമ്മൻ മാത്യുവും തിരുവല്ലയെ ജനാധിപത്യചേരിയിൽ നിലനിർത്തി.

2006 മുതൽ തിരുവല്ലയിൽ വിജയിക്കുന്നത് ഇടതാണ്.  2006 ലും 2011 ലും കേരളാ കോൺഗ്രസിലെ ശ്രീ. വിക്ടർ ടി തോമസും 2016 ൽ ശ്രീ. ജോസഫ് എം പുതുശേരിയും തിരുവല്ലയെ ജനാധിപത്യചേരിയിലെത്തിക്കാൻ പരാജയപ്പെട്ടു.

2006 ൽ കേരളാ കോൺഗ്രസിൽ നിന്നും പ്രത്യക്ഷത്തിൽ വിമതനായി ശ്രീ. സാം ഈപ്പനുണ്ടായിരുന്നെങ്കിൽ, 2011 ലും 2016 ലും പാലം വലി പിന്നിൽ നിന്നായിരുന്നു, പൂച്ച പാലു കുടിയ്ക്കും പോലെ കണ്ണടച്ചതുകൊണ്ട്, ആരും കണ്ടില്ല എന്നാവും പിന്നിൽ നിന്ന് കുത്തിയവർ കരുതിയത്, പക്ഷേ ഏറെക്കുറെ എല്ലാവരും കേരളാ കോൺഗ്രസിലെ പടലപ്പിണക്കങ്ങൾ അറിയുന്നുണ്ടായിരുന്നു.

കഴിഞ്ഞ മൂന്നു വട്ടവും ഓരോ വിമതന്മാരായിരുന്നെങ്കിൽ ഇത്തവണ 4 ഭൈമീകാമുകന്മാരാണ്.  കേരളാ കോൺഗ്രസിലെ ഈ നാലു സ്ഥാനമോഹികളിൽ നിന്ന് ആര് മത്സര രംഗത്ത് വന്നാലും രംഗത്ത് വന്ന ബാക്കി മൂന്നു കളസം തയ്പിച്ചു നിൽക്കുന്നവരും പഴയ വിമതനുൾപ്പെടെ മറ്റ് മൂന്ന് പേരും പാലം വലിയ്ക്കാനുണ്ടാവും.

അര ഡസൻ കേക്കോക്കാർക്ക് വലിയ്ക്കാനുള്ള പാലം തിരുവല്ലയിലില്ല എന്നതാണ് സത്യം.

1960 ന് ശേഷം കോൺഗ്രസ് തിരുവല്ലയിൽ മത്സരിച്ചിട്ടില്ല.  തമ്മിലടിച്ചു നശിക്കുന്ന തിരുവല്ലയിലെ കേരളാ കോൺഗ്രസിൻ്റെ മുണ്ടന്മാർക്ക് കളിക്കാൻ ഇനിയും കളമൊഴിഞ്ഞു കൊടുക്കുന്നത് കോൺഗ്രസിന് ആത്മഹത്യാപരമായിരിക്കും.

പണ്ടേ തിരുവല്ലയിലെ കേക്കോ എന്നാൽ മാണി സാറാണ്.  ഇപ്പോൾ സീറ്റിനായി നിൽക്കുന്ന കുട്ടി നേതാക്കന്മാർക്കാർക്കും സ്വന്തം നാട്ടിൽ തന്നെ പിടിവള്ളിയുള്ളവരല്ല.  ചിലരൊക്കെ പഞ്ചായത്ത് ഇലക്ഷൻ വരെ കസേരകളിയിലുമായിരുന്നു.

മൂന്നു തവണ വിജയിച്ച്, ഭേദപ്പെട്ട ഇമേജുമായി നിൽക്കുന്ന ഇടത് സ്ഥാനാർത്ഥിയോട് കിടപിടിക്കാനായി മണ്ഡലം മുഴുവൻ അറിയപ്പെടുന്നവർ പോലുമല്ല ഈ കേക്കോ സ്ഥാനാർത്ഥി മോഹികൾ.  

പഴയ കല്ലൂപ്പാറയുടെ വലിയ ഭാഗം കൂടി ചേർന്ന് വിപുലമായ തിരുവല്ല മണ്ഡലത്തിൽ സർവ്വസമ്മതനായ ഒരു സ്ഥാനാർത്ഥിയെ മുന്നിൽ നിർത്താൻ കേരളാ കോൺഗ്രസിന് ഇല്ലാത്തിടത്തോളം, കോൺഗ്രസ് ഏറ്റെടുക്കലല്ലാതെ മറ്റ് മാർഗമൊന്നുമില്ല.

എതിരില്ലാത്തതു കൊണ്ട് വലുതായി എന്ന് ഭാവിക്കുന്ന ഇടതു സ്ഥാനാർത്ഥിയെ നിലയ്ക്ക് നിർത്താൻ ജനപിന്തുണയും പാരമ്പര്യവും മഹത്വവുമുള്ള ആളുകൾക്ക് കോൺഗ്രസിൽ പഞ്ഞമൊന്നുമില്ല.

2021 ൽ തിരുവല്ല തിരിച്ചുപിടിക്കാൻ കോൺഗ്രസിനു കഴിയും, കോൺഗ്രസിനേ കഴിയൂ.

ഇങ്ങനെ പറഞ്ഞു പോസ്റ്റ് അവസാനിക്കുന്നു , നിരവധി പേര് അനുകൂലിച്ചും പ്രതികൂലിച്ചും അഭിപ്രായം രേഖപെടുത്തുന്നു ഉണ്ട് , എന്തായാലും രാഷ്ട്രീയ പോരാത്തതിന് തിരുവല്ല കളം ഒരുങ്ങുകയാണ് .